Risastóri krókódíllinn eftir Roald Dahl er kominn út. Risastóri krókódíllinn er ægilegur krókódíll í Afríku sem veit ekkert betra en að borða lítil börn. Nú er hann banhungraður og staðráðinn í að borða eitt eða fleiri börn í hádegismat. Öll dýrin í frumskóginum taka höndum saman til að koma í veg fyrir að honum takist ætlunarverk sitt.
Bókin er litrík og fallega myndskreytt með myndum eftir Quentin Blake. hún er ætluð börnum á aldrinum 4-9 ára og fæst í verslunum Pennans Eymundsson og öðrum góðum bókabúðum.